السبت، ديسمبر ٠١، ٢٠٠٧

حديقة الأزهر

السلام عليكم

امبارح كنت فى حديقة الأزهر .. الحديقة تحفة .. صحيح دى مش أول مرة أروحها بس كل مرة بأستمتع بيها جدا .. منظر القاهرة من على مرتفعات الحديقة رائع .. صحيح أغلب المناطق المحيطة بالحديقة مناطق عشوائية .. لكن بالرغم من كده كان برده المنظر رائع .. ودى كانت اول مرة أعرف بجد هى القاهرة بتسمى ليه ببلد الألف مئذنة.

لغاية كده الحياة ماشية كويس لغاية لما حان ميعاد صلاة العصر .. أنا عارف ان فى مسجد مجاور للحديقة خارج حدودها فروحت علشان اصلى فيه .. فوجئت انه مش موجود .. أيوة فعلا مالقيتوش .. المهم سألت ناس من اللى شاغالين فى الحديقة قالولى انهم شالوا المسجد؟؟!!

الغريب ان مساحة الحديقة حوالى 300 ألف متر مربع وفى كل المساحة دى مالقوش مساحة لمسجد ولا حتى لمصلية صغيرة .. هى بصراحة مش حاجة غريبة وبس دى حاجة تنرفذ .. عموما حلينا الموضوع باننا صلينا على النجيلة فى الحدائق .. والحمد لله ان الأرض جعلت للنبى الكريم (صلى الله علية وسلم) مسجدا وطهورا .. وإلا كنا بقينا فى حرج شديد.

السلام عليكم


هناك تعليق واحد:

غير معرف يقول...

فعلا شيء مؤسف محير بنفس الوقت
ماذا يفعل المسلم اذا حانت صلاة الجمعة طيب ؟

ابسط قواعد العمارة الاسلامية تجاهلتها الجهة التي نفذت الحديقة مع انها ملك للازهر !!!!!